Кароткая інфармацыя аб музейным пакоі. Моисеевская базовая школа Мозырского района

Кароткая інфармацыя аб музейным пакоі
“Спадчына”

“Спадчына” 1 верасня 1997 года.

Профіль музея: гісторыка-краязнаўчы.
Агульная плошча музейнага памяшкання 50 кв. м.
Прадметамі вывучэння з’яўляюцца: гісторыя вёскі , школы, вядомых асоб, ветэраны.
Напрамкі работы:
-пошукава-даследчая дзейнасць;
-улік і захаванне фондаў;
-экспазіцыйная дзейнасць;
-вучэбна- асветніцкая дзейнасць.

Раздзелы экспазіцыі музейнага пакоя:
«Беларускі быт»;
«Рэха вайны»;
«Ветэранам Вялікай Айчыннай вайны прысвячаецца… »;
«Афганістан баліць ў маёй душы…»;
«Гісторыя вёсак Майсееўка, Хамічкі, Касцюковічы»;
«Летапіс школьных гадоў»;
«Перадавікі сельскай гаспадаркі»;
«Ветэраны педагагічнай працы».

Раздзел экспазіцыі «Беларускі быт», «Гісторыя вёскі» расказвае аб асаблівасцях

беларускага быту, вядзенні дамашняй гападаркі, змяшчае прадметы дамашняга ўжытку.

Раздзел экспазіцыі: «Рэха вайны».

Тут прадстаўлены экспанаты пасляваеннага часу, сабраны матэрыял аб байцах і камандзірах, якія ўдзельнічалі ў вызваленні вёскі Майсееўка ад нямецка-фашысцкіх захопнікаў у студзені 1944 года.

Раздзел экспазіцыі: «Ветэранам Вялікай Айчыннай вайны прысвячаецца…»

У раздзеле сабраны матэрыялы аб удзельніках Вялікай Айчыннай вайны – жыхарах вёсак Майсееўка, Хамічкі, Касцюковічы: ваенныя фатаздымкі, біяграфічныя даныя, успаміны, творчыя работы вучняў школы.

Раздзел экспазіцыі: «Афганістан у маёй душы…»

тут прадстаўлены фатаздымкі жыхароў вёсак Майсееўка і Касцюковічы - удзельнікаў вайны ў Афганістане. Шмат матэрыялу сабрана аб загінуўшым аднавяскоўцы Сілічу Сяргею Уладзіміравічу , які быў узнагароджаны ордэнам «Чырвонай Зоркі” пасмяротна.

Раздзел экспазіцыі «Гісторыя вёсак Майсееўка, Хамічкі, Касцюковічы». Тут

прадстаўлены летапісы вёсак Майсееўка, Хамічкі , Касцюковічы.

Раздзел экспазіцыі «Летапіс школьных гадоў». Сабраны матэрыялы гісторыі школы з

часу яе адкрыцця. Дакументы экспазіцыі расказваюць аб настаўніках, якія працавалі ў школе, аб выпускніках, аб піянерскай і камсамольскай арганізацыях школы.

Раздзел экспазіцыі «Перадавікі сельскай гаспадаркі» змяшчае фатаздымкі лепшых

працаўнікоў калгаса імя Леніна, летапіс калгаса.

У музейным пакоі знаходзяцца прылады працы: серп, сякера, каса.
Прадметы дамашняга ўжытку : мэбля, посуд, маслабойка, сіта, прас, ступа, ухваты, форма для выпечкі хлеба, жорны, камень для жорнаў,тарка, пралка, кросны , скрыня, ручная швейная машынка, керасінавая лямпа, падсвечнік і іншыя прадметы.

Прадметы прыкладнога народнага мастацтва : вышыўкі, фіранкі,
просцілкі, ручнікі.

Прадметы ваенных часоў: гільзы, тэрмас, кацялок, фляжкі для вады , каска.

Фатаздымкі і дакументальныя матэрыялы гісторыі вёсак Касцюковічы, Хамічкі, Майсееўка.

Таксама ў музейным пакоі ёсць вугалок сялянскай хаты.

У школьным музейным пакоі праводзяцца экскурсіі па раздзелах:
«Беларуская народная культура»
«Сцяжынкамі гісторыі»
«Гісторыя вёскі Майсееўка»,
«Вёска Майсееўка ў гады вайны»,
«Вёска Хамічкі ў гады вайны»,
«Вёска Касцюковічы ў гады вайны»,
«Ніхто не забыты, нішто не забыта»
«Гісторыя калгаса імя Леніна»,
«Нашы слаўныя аднавяскоўцы » і г.д.

У музейным пакоі акрамя экскурсій праводзяцца агульнашкольныя мерапрыемствы, урокі Мужнасці, гадзіны Памяці.